November atangin ration
card thar hmangin la dawn
National Food Security Act hnuaia ration card ennawn mek chu zawh fel a la nih loh avangin October thla chu ration card neih lai mek angin ration buhfai la lak rih tur a ni tih sawi a ni.
Food, Civil Supplies & Consumer Affairs department thuchhuak chuan, 2024 October atanga non-NFSA (card var) buhfai man kg ah Rs. 30-a tih sanah mipui lamah hriatchian loh a awm theih avangin hemi chungchang leh a kaihhnawih mipui hnenah hriattirna a chhuah nawn tih a sawi.
October 2024 ration sem atangin non-NFSA (card var) a latuten kg. ah Rs. 30 zelin an la anga, PHH (card pawl) a latuten additional kg.3 an lak thin erawh (a man ngai) kg khatah Rs.15 zelin an la ang. Buhfai man tihsan hi Mizoram pumah hman nghal tur a ni.
Tuna NFSA beneficiary revision (thlan that) neih mek hi zawhfel a la nih loh avangin October 2024 thla hi tuna ration card an neih lai mek angin ration buhfai la rih tura tih a ni a. Office order dinglai angin, retailer-ten mipuiah buhfai buk tling ngei an pek theihnan Supply kudam atangin buk tling ngeia buhfai phurchhuak tura chah an ni tih a sawi bawk.
November atangin ration card thar hmangin la dawn
Get real time updates directly on you device, subscribe now.
Prev Post
Next Post