Australia suartluan rang ber record siam

Australia suartluan rang ber record siam
Chris Turnbull chuan ke a Australia tlan chhuak (Perth – Sydney) rang thei ber record siamin, kum 20 chhung record lo ding tawh a rawn khum a, ni 39 leh darkar 8 leh minute khat chhungin a tlan chhuak hman.
Chris hian Cottesloe Beach, Perth atanga bul tanin, August ni8 zing dar 5-ah a chhuak a, September ni 16 tlai lam dar 3:01-ah Manly Beach, Sydney a thleng. Australia hi ke ngawtin a suartluan a, a hmaa hetiang record lo awm tawh cu ni 67 leh darkar 2 leh minute 57 niin, 2002-a an siam a ni.
Chris hi nitin km 100 vel tlan ziah ang a ni a, a tlan thui zawng hi km 3,864 a ni. Kum 40 mi niin, fa pahnih a nei tawh a, hetiang record siam tuma a beihna chhan chu adventure puitham deuh tak eng emaw tih a duh a, an ram khaw hrang hrang hmuh pah theihna a lo ni nghal bawk nen, record siam tum hian a thawk chhuak ta a ni. A tlan chhung hian lirthei pahnihin an zui reng a ni.