YouTube Billion Views Club-ah MJ ‘Smooth Criminal’ leh MA ‘Flor Palida’

YouTube Billion Views Club-ah
MJ ‘Smooth Criminal’ leh MA ‘Flor Palida’
YouTube-a vawi tluklehdingawn en hlawh thei music video neih hi zaithiamte tan mellung pawimawh pakhat a ni ve tawh a, chutih rualin YouTube te kan hmelhriat hmaa zaithiam te music video tan vawi tluklehdingawn en hlawh hi a sak ve talh mai a, chutiang karah chuan Michael Jackson ‘Smooth Criminal’ leh Marc Anthony ‘Flor Palida’ music video te chuan he mellung hi an thleng ve leh ta.
‘Smooth Criminal’ hi 1988-a gangster-theme music video niin, Michael Jackson signature ‘anti-gravity lean’ an tih mai, ngil taka ding chunga hmalama âwn a, inbeng khalh leh thildang engmah pawttu lang chuang si lo a ngil taka a ding leh thin ang kha he music video-ah hian a lang a, MJ music video hetiang mellung kai thei pangana a ni.
He hla hi 1987-a a album ‘Bad’ atanga a single a ni a, ‘Bad’ hi MJ album pasarihna a ni. A music video hi Colin Chilvers direct niin, ani hian 1930s gangster nightclub vibe a rawn lantira, MJ video zinga ngaihhlut hlawh ber zingah a tel. A video hi minute 10 dawna sei a ni.
Marc Anthony ‘Flor Palida’ music video hi 2014-a a tihchhuah kha niin, Jennifer Lopez pasal hlui Marc Anthony music video hetiang zat view kai thei palina a ni. He music video-ah hian waitress pakhat harsatna tam tak tawk chanchin an tarlang a, chu waitress chu Marc hian harsatna atanga la chhuakin hlim taka an awm dun tak dan vel te tarlan a ni.