Telangana in power lama hmasawnna kalpui thuai dawn : Dy CM

Telangana in power lama hmasawnna kalpui thuai dawn : Dy CM
Telangana deputy chief minister Mallu Bhatti Vikramarka chuan pathianni khan an state sorkar chuan power lama hmasawnna tur policy an kalpui thuai dawn tih a sawi.
Dy. chief minister chuan he policy-ah hian boruak leh ramngaw humhalh a nih zual theih nan green energy MW 20,000 pechhuak tura ruahmanna siam leh duan a nih tawh thu sawiin, May, 2025 ah chuan an zawh fel hman a beisei thu a sawi bawk.
Dy. CM Vikramarka chuan kum sawm kaltaa Telangana chu din nimahse, sorkar hmasa khan energy policy engmah a buaipui lo tih sawiin, Congress sorkar chuan energy policy thar an rawn chhuah thuai dawn niin a sawi.
Telangana hian Dy CM hoin pathianni khan Yadadri Thermal Power Plant hawngin, hemi hunah hian Minister Uttam Kumar Reddy chuan a telpui a, rel hmanga lungalhthei phurh chhuahna tur ruahmanna thar an hawng tel bawk.