Delhi hmeichhiate tan sorkar in thlatin cheng 1000 pe dawn
AAP hotu Arvind Kejriwal chuan Delhi-a hmeichhiate hnenah thlatin sorkar in tanpuina Rs 1000 a pek thuai dawn thu thawhtanni khan a sawi.
Delhi chief minister hlui leh AAP hruaitu lu ber Kejriwal hian he thil an kalpui tur hi Mukhyamantri Mahila Samman Yojana hnuaiah a nih tur sawiin, hmeichhia kum 18 tling chinte chu an zavaiin an sorkar chuan thlatin cheng 1000 zela a tanpui tur thu sawiin, hei hi 2024-2025 budget-ah dah a ni dawn niin a sawi.
Kejriwal hian he thil hi an tih ngei tur thu sawi chiangin, ‘kan thutiam kan tithlawn dawn lo,’ a ti a. Cheng 1000 chu an bank account kaltlanga pek tur a nih thu a sawi bawk.
Delhi chief minister hlui chuan Delhi khawpui chhunga a thlawna electric leh tui pek an tumna chu BJP in nasa takin a dodal niin a sawi a, BJP chu mipui sum ru-ah puhin, an tihhlawhtlin tumna kawng daltuah a puh bawk.
Delhi hian nakkum february thla hian assembly inthlan an hmachhawn dawn a, hemi atan hian an party hruaitute chuan kawng hrang hranga beihpui thlak tanin, tuna hmeichhiate tana tanpuina an kalpui tur pawh hi a campaign-na hmun pakhata a sawi a ni.
Delhi hmeichhiate tan sorkar in thlatin cheng 1000 pe dawn
Get real time updates directly on you device, subscribe now.