Gaza hmarlam beihnaah mi 20 chuang boral
Palestinian medical official te chuan Israel in boruak atanga a beihna avangin Gaza hmar lamah mi 20 chuangin nunna an chan tih an sawi.
Hossam Abu Safiya, he lai biala hospital lam director chuan damdawi in casualty-ah damlo na tak tak an rawn phurh luh zut zut thu sawiin, hei hi thawhtanni tlai lama thil thleng vang a nih thu a sawi a, nunna chan pawh thahnem tak an awm thu leh an zingah hian hmeichhia leh naupangte pawh an tel thu a sawi.
Israel in boruak atanga a beihna avang hian chenna in tam tak a chhia a, Beit Lahiya khawpui phei chuan tuar nasa zualin, chhungkaw khata cheng zingah himdam an awm meuh lo niin sawi a ni bawk.
Nunna chan zingah hian hmeichhia leh naupang pariat an telh thu Gaza health ministry chuan sawiin, inven hman ngaihna a awm thin miau loh avangin nunna chan leh hliam tuarte hi a tam lo thei lo niin a sawi.
Gaza hmarlam beihnaah mi 20 chuang boral
Get real time updates directly on you device, subscribe now.