Israeli-ten Hamas beih hriat rengna hmang

n Hamas kaihhruai helhovin an ram an beih kum thumna chu hriat rengna nen an hmang.
October 7, 2023-a Hamas-ten Israel chhim lam an beihnaah hian mi 1,200 vel an that niin Israeli-te chuan an sawi a, hren turin Gaza Strip-ah mi 251 hruai an ni bawk.
He ni leh thite hriat rengna hun hi Israel pumah hman a ni a, ram puma thite sun nana minute khat ngawi renga din chu an rama zing dar 06:29 (India-a zing dar 08:59)-ah hman a ni a. He hun hi Hamas-ten an ram an beih tan chiah hun a ni.
Mi tam tak chuan a beituten mi 378 thata hren tura mi 44 an hruaina, Nova music festival neihna hmun chu he ni hian an tlawh hlawm bawk.
Beihna an tawh avang hian Israel chuan phuba lak nan Hamas rorelna, Gaza chu an bei zui ve nghal a, kum hnih chhung an indo va, nikum October thla tir atang khan US rawtna angin inkahhai puan a ni chauh.
Inkahhai hnuah pawh ni tin deuhthaw tharum thawhna a la thleng zel a, Hamas enkawl health ministry chuan kum thum chhungin mi 74,200 vel thi an awm tawh niin an sawi.
Indona avang hian Gaza puma in dingte chu a chhe deuh vek a, a cheng Palestinian tam tak chuan tun thlengin awmna mumal pawh nei lovin puan in kaiha khawsa tam tak an la awm.