India folk singer lar Sinha boral

India folk singer lar Sinha boral
All India Institute of Medical Sciences (AIIMS) Delhi-a enkawl mek India folk singer lar tak Sharda Sinha chu thawhlehni zan khan kum 72 mi niin a boral.
AIIMS chuan thuchhuah siamin, Sharda Sinha thihna tak chu septicemia vang a nih thu sawiin, natna dang tlakbuak belh lehtu a neih avangin a taksain a tlin ta lo a ni, a ti a. Thawhlehni zan dar 9:20 ah a boral thu an sawi.
Bhojpuri, Maithili leh Maghahi tawnga folk song sa thiam tak, chawimawina sang Padma Bhushan pawh lo dawng tawh Sinha hian thisen cancer chi khat a nei sa bawk hrim hrim a, a hriselna lama a insawiselna hi a rei tawh hle a ni.
Prime Minister Narendra Modi chuan Sinha thihna chuan a nghawng na hle nia sawiin, ‘a damloh lai pawha a chanchin a ngaihven reng thu leh a dam leh thuai a duh thu a hrilh thin a ni,’ a ti a. A thihna chu India mipui bakah, a zai ngainatute tan channa nasa tak a nih thu a sawi bawk.