Mizo thalaite tan hnathawh tur NSDC kaltlangin zawnpui

Mizo thalaite tan hnathawh
tur NSDC kaltlangin zawnpui
National Skill Development Corporation office, Greater Noida ami chu Nilaini khan Mizoram Youth Commission chairman Malsawmzuala Ralte chuan a tlawh a, thawktute nen an inkawm.
NSDC kaltlangin Mizo thalai, nursing lama background neite Japan-a care giver-a thawk tur lak nise an ti a. Heng mite hian Japan tawng thla 9 chhung zir turin NSDC office Noida-ah an awmchilh anga, tawng an thiam hnuah an hnathawh tur hi NSDC hian a buaipui dawn a ni.
Hei bakah hian Germany-a nurse hna ruakah Mizo thalai nurse zir zo tawhte lak a, MYC office Aizawlah German tawng zirna hawn nise an ti a; an hnathawh tur pawh NSDC-in a buaipui dawn a ni.
Israel-a care giver hnathawh tur awmah Mizo thalaite an kal ve theih nan thawhho nise an ti bawk.
MYC chairman hian LESDE department kaltlanga Mizo thalai Japan tawng zir mekte tlawh nghalin, an inkawm a ni.
Indigo Airlines office pawh Malsawmzuala Ralte hian a tlawh a. Kumin December thla tir lamah Mizo thalaite tan cabin crew /air hostess lak tumin ruahmanna nise, an ti.