Intiam anga hma la turin ngen

AAP Mizoram chuan an intiamna angin Manipur-a Zofate thlavang hauha hma la turin Mizoram sawrkar an ngen tih an sawi.
AAP Mizoram thuchhuak chuan, Zosangkim Hmar rawng taka thah a nih avanga Hmar Village volunteer-te khua venghim tura kal chu CRPF-ten mi 10 an kahhlum bakah rawng taka sawisak zui an ni a, a la damte an vawhlum chu na an ti hle tih a sawi.
National news-a ‘hel’ anga an sawi pawh chu AAP Mizoram chuan ‘hnam pasaltha’ an ni, an tih thu sawiin, Churachanpur-a vui tur an nih avanga Meitei khua kaltlang loa Mizoram atanga ruang lakluh tumna tih khawtlai a ni pawh an hrethiam lo hle tih an sawi.
Manipur buainaa Zofate thlavang hauh turin ZPM sawrkar an intiam nia sawiin, an intiam ang ngeiin a rang thei ang bera hma la turin an beisei tih a sawi a ni.