Varanasi khawpui chung zawn chu no-fly zone-ah puan niin, hei hi mipuiten Dev Deepawali hlim leh ralmuang taka an hman theih nan a ni.
Additional Police Commissioner (Law and Order) Shivasimpi Channappa chuan he thupek hi chhuahin, BNSS section 163 tlawh chhanin, November ni 12 atanga November 16 thleng hian Varanasi chung zawnah engmah thlawhtir a phal lo a, hei hi November 15, zirtawpni a mipuiten hlim leh thlamuang taka Deepawali an hman theih nan a nih thu a sawi.
Tin, hemi chhung hian VIP leh mi pawimawh hrang hrangte hun hmang tur hian an kalkhawm dawn avangin venhimna tihkhauh a ngai hle a sawi a ni a, police te chuan a hma zawng aia venhimna an tihkhauh dawn avangin harsatna an tawh loh nan he ruahmanna ni an siam tih an sawi bawk.
An sawi danin Dev Deepawali hi Diwali atanga ni 15 hnuah Hindu hoin Kartik thla bial zanah an hmang thin a, he festival hi Lal Shiva-in ramhuai hlauhawm tak Tripurasura a hnehna hriatreng nan an hmang thin a ni.
Varanasi khawpui chung zawnah engmah thlawhtir phal rih lo
Get real time updates directly on you device, subscribe now.
Prev Post