Kum nga chhungin sorkar school siamtha vek dawn
Haryana chuan kum nga chhungin an state chhunga awm sorkar school te chu siamthat vek an nih dawn thu school education minister Mahipal Dhanda chuan a sawi.
Dhanda hian Panipat rural assembly bial chhunga khaw hrang hrang tlawh kual mekin, thingtlang lam zirna hmun siamthat leh tihdanglam chu thil pawimawh tak a nih thu a sawi a, nu leh pate chu an fate zirtirna pe tur leh hnam dinna kawnga thawhhlawk tura thiamnaa thuam turin a ngen hlawm.
Zirna system chu siamthat a ngai tak zet tia sawiin, chumi tur chuan zirna hmun nuam neih a ngai, a ti a. System siamthat hun chhung chu a lo rei deuh a nih pawhin, a tawpah chuan rahtha a chhuah dawn thung, a ti bawk.
An state chhunga BJP sorkar chuan thingtlang mite duhthusam tihhlawhtlin an tum hle thu sawiin, an fate chu sorkar school-ah admit turin a ngen a, zirna ngai pawimawh a, result tha neih tir ngei tum turin a chah bawk.
National Education Policy (NEP) chuan thalai degree leh diploma neia zirchhuakte tan eizawnna mumal tak a siam dawn thu education minister chuan sawi bawkin, he policy hi an state chhungah nakkum atanga an kalpui tur thu a sawi.
Kum nga chhungin sorkar school siamtha vek dawn
Get real time updates directly on you device, subscribe now.