Congress leh a thawhpuite chu tuipuia pil tur ang an ni : Rajnath Singh
Union minister Rajnath Singh chuan Congress party dinhmun chu a chhe takzet nia sawiin, Maharashtra inthlanpui neih turah pawh a thawhpui party te nen chuan tuipuia pil ruai ruai tur ang chauh an nih thu a sawi.
Maharashtra assembly inthlanpui neih tura BJP party tana campaign-na hun a hmannaah Rajnath chuan Haryana ang bawkin November 20-a Maharashtra assembly inthlanah chuan BJP leh Mahayuti tangrual pawlte chuan chiang taka hnehna an chan tur thu a sawi bawk.
Congress party chu hun rei tak chhung ram awptu an ni tawh a, mahse an dinhmun a chaurau tawhin, an party nena inzawmna nei apiang chu tuipui pil ruai ruai ang chauh an nih tawh thu sawiin, Maharashtra inthlanpui neih turah pawh Congress chuan an thawhpui Shiv Sena (UBT) leh NCP (SP) te chu tuipuiah an pilpui leh ngei dawn a ti.
Prime minister Narendra Modi kaihhruaina hnuaiah chuan khawvel pum ngaihtuah pawhin ram dinhmun a tha chho zel nia sawiin, an sorkar chhungin India mi nuai 25 chuangte chu retheihna khur atanga chhanchhuah an nih tawh thu Rajnath chuan a sawi bawk.
Congress leh a thawhpuite chu tuipuia pil tur ang an ni : Rajnath Singh
Get real time updates directly on you device, subscribe now.