Nursing administrator-te inzir

Nursing administrator-te inzir
Nursing administrator-te tan Aizawla training buatsaih chu Health & Family Welfare minister Lalrinpuii’n Thawhlehni khan a hawng a, ni thum chhung a awh ang.
Health minister chuan nurse-te chu mipui vantlang hriselnaah mawhphurhna sang tak nei an nih avang leh an mawhphurhna chu inpekna pumhlum nen chauha hlen theih a nih avangin, anmahni enkawltu nurse administrator-te chuan mawhphurhna pawimawh lehzual an nei tih a sawi. “Kan hnathawhna kawng engkimah training chu hmantlak lehzuala min chhertu, kan hnathawh tisawt lehzualtu a ni,” a ti.
Training hawnna hi Ministry of Health & Family Welfare deputy nursing advisor Kavita Khasa pawhin a rawn hmampui a ni.