Lungawilohna lantir zinga pakhat boral, central in sipai 5000 tirh belh
Manipur tualchhung buainain zual lam a la pan zel a, thawhtanni khan curfew thupek bawhchhiain meitei tam tak chu Imphal chhim lamah an chhuak khawm a, sorkar pisa engemawzat khar a ngai hial.
Union home minister Amit Shah hova Manipur buaina thlen dan ngaihtuah a nih hnuah central chuan sipai 5000 tirh belh tur thupek a chhuah a, anni hi thawhtannia thupek tihchhuah atanga che nghal tura thupek an ni.
Manipur chief minister N Biren Singh pawhin NDA minister leh MLA te chu emergency meeting neihpuiin, dan leh thupek kenkawh dan tur an ngaihtuah a, an thutkhawm hma lawk hian anmahni thlawptu National People’s Party (NPP) chuan an thlawpna an lo hnukdawk tawh a, Manipur BJP sorkar pawh an buai chho hle niin a lang.
Hetihlai hian Jiribam district-a Babupara-ah buaina chhuak avangin mipui pungkhawmte leh security force te an innawr buai nasa hle bawk a, force mite silai hmehpuah avangin mi pakhatin nunna a chan thu thawhtanni khan sawi a ni.
Manipur meitei leh zohnahthlakte kara buainaah hian a tu ve ve pawh sorkar lakah an lungawi tawh lo hle niin a lang a, an sorkar rintawk lohna lian tawh hle in, meitei pawl lian tak Coordinating Committee on Manipur Integrity (COCOMI) member thenkhatte chuan Lamphelpat-a chief electoral officer office complex chu an bei a, a kawngkharte chu an chhu chhe bawk a ni.
Lungawilohna lantir zinga pakhat boral, central in sipai 5000 tirh belh
Get real time updates directly on you device, subscribe now.
Prev Post