Lirthei vakvel endik dawn

Lirthei vakvel endik dawn
Hunpui denchhenin Aizawl Traffic Police chuan Aizawl khawpui chhungah ‘No Tolerance Drive/ Checking’ a kalpui dawn.
Senoir SP Traffic chuan mipui hriat tur tichhuakin, 2024 Krismas leh 2025 kumthar vuakvetah Aizawl khawpui chhung hmun hrang hrangah December 9 atangin Aizawl Traffic Police-in driving license neiloa lirthei khalh, insurance certificate nung lo lirthei, Pollution Under Control Certificate (PUCC) nung lo, mipui leh bungraw phur lirthei fitness certificate neilo leh lirthei kaihhnawih dan bawhchhiatna hrang hrang avanga vanduaina thleng thei venna atan hei hi kalpui a ni dawn tih a sawi.
Lirthei khalhtu zawng zawngte dan zawm a, fimkhur taka lirthei khalh turin an hriattir tih sawiin, lirthei document felfai tak nei tura lo inhmakhua theuh turin lirthei neitute an ngen tih a sawi a ni.