Synod Inkhawmpui tan ta

Synod Inkhawmpui tan ta
2024 Synod Inkhawmpui chu Thawhlehni khan Mission Vengthlang Kohhran biak inah an tan a, Nilaini khan ro an rel.
Thawhlehni chhunah Nomination Committee an thu a, zanah Vantlang Pathian Biak Inkhawm an nei. Kar
Nilaini khan Synod Rorel an tan a, moderator kal chhuak Rev R Vanlalnghaka’’n Rev RC Lalnghakliana hnenah moderator nihna a hlan a, ro an rel nghal.
2025 Synod Inkhawmpui moderator atan Rev John Raldosanga, Secretary (Sr) atan Upa Vanlalsawma Siakeng, Secretary (Jr) atan Rev B Zohmangaiha, finance officer atan Rev Dr K Lallawmzuala leh Rev Vanlalzuata, statistician atan Upa Dr Vanlalzara te an pawm.
Nakkum Inkhawmpui hi Zarkawt Kohhran biak ina neih turin an pawm a, thupui atan ‘Inpumkhatna’ an pawm a, Pro Pastor atana lak tur mi 14 an pawm bawk.
Nilaini hian PCI emblem-a kraws dah tel chungchang an ngaihtuah a, PCI General Assembly-a thlen ni se an ti. Cancer Hospital bula Synod Khualbuk siam rawtna chungchang chu SEC bawhzui turin an dah.
Zanah Vantlang Pathian Biak Inkhawm an nei leh a, Rev Vanroluaha’n thu a sawi. Ningani chhunah ro an rel chhunzawm ang.
Tun tum Inkhawmpui hi Mission Vengthlang Pastor Bial-in an thleng a, Nilaini tlai lam thlenga palai in-report tawh zat chu 1757, riak lut 865 leh lang 892 an ni.