Trump-a’n China ambassador turin senator hlui ruat

Trump-a’n China ambassador turin senator hlui ruat
US president-elect Donald Trump chuan Georgia senator hlui David Perdue chu China rama ambassador turin a ruat a, ani hi ram pahnih inkungkaihna tinghet tura mi tangkai tak a nih tur thu a sawi.
Congress-a a awm laia China dodaltu ti hiala vuah Perdue hian US navy chak zawk neih a lo rawt tawh a, China in sipai chakna tihpun a tum zel avanga hmalakna chikhat atan a lo ti tawh a ni.
Trump term thar lo awm turah hian foreign policy na taka kalpui a tum nia sawi a ni a, China chu a elpui ber tur a nih avangin kawng hrang hranga insumdawn tawnna an neih dan tur thlengin an ngaihtuah mek nia sawi a ni bawk.
Ambassador atana ruat thar Perdue hian kum 2020 khan Democrat Jon Ossoff lak atangin a senate seat a lo hloh tawh a, kum 2022 khan Brian Kemp chu state governor nihna atanga paihthlak tuma khing, a hlawhtling zui ta lo bawk a ni.