Mathematic Exposure Camp nei tan

Mathematic Exposure Camp nei tan
Pachhunga University College-a Department of Mathematics chuan December 9-13 chhung awh tur Mathematical Olympiad Exposure Camp a buatsaih a. School Education minister Dr Vanlalthlana’n a hmanpui.
Exposure Camp hi Homi Bhabha Centre for Science Education (HBCSE) Mumbai leh sawrkar laipuia National Board for Higher Mathematics bultum a ni a. School 16 atangin pawl 9, 10 leh 11 zirlai 90 an tel. Camp hi Mizo naupangten mathematics zirnaah hma an sawn theihnan leh state dangte ruala ke an pen ve theihna atana ruahman a ni a. National level leh international level Mathematics Olympiad-ah Mizo naupang an tel tam theihnana buatsaih a ni.
School Education minister chuan mathematics thiam a pawimawh a, ngaihtuahna tihriamtu a ni, tiin, “Engineering, science, commerce leh economics lamah zirna chhunzawm turin mathematics thiam a ngai tel tih a sawi. PUC-in hetiang camp a buatsaih chu tha a tih thu a sawi a; camp neih atangin zirlaiten mathematics-ah phurna thar an neih ngei a beisei tih a sawi a ni.