Rebecca Lallawmsangi Krismas hla hit ‘Kan Khua’ music video khan YouTube-ah ni sarih chhungin vawi maktaduai en a hlawh hman a, 2020 khan Mizo hla music video zinga YouTube-a vawi maktaduai en hlawh rang thei ber record a siam a, chu record chu kumin kumtir khan Young Fella leh Mary Dawngi te ‘Duhaisam’ music video-in rawn khumin, ni nga chhungin vawi maktaduai en a hlawh thei a, tunah record thar a awm leh ta, J. Lalrosanga music video hmasa ber ‘Fuhchiang lo maw’ chuan ni hnih chhungin vawi maktaduai en a hlawh hman a, ‘Duhaisam’ record a rawn khum ve leh ta a ni.
RS-a hian ‘Fuhchiang lo maw’ hi 2024 Youth Icon round hmasa lam atangin a rawn larpui nghal a, Icon-ah hian top 5 inhlangkaiin, winner ni ta lo mah se boruak nei lian ber a ni zui ta tho a, music video pawh a tichhuak hmasaah tangin, record a siam zui ta zel a, tunlaiah na na na chuan a chetna lam apiangah a huhang lian ber a ni zel mai.
‘Kan Khua’ music video hi YouTube-ah December ni 8, 2020-ah upload a ni a, ni sarih chhungin vawi maktaduai en a hlawh hman a, nimin thleng khan vawi maktaduai 20 chuang en a hlawh tawh a, Young Fella & Mary Dawngi ‘Duhaisam’ hi January ni 13, 2024 khan YouTube-ah upload niin, ni nga chhungin vawi maktaduai en a hlawh tawh thei a, tunah hian vawi maktaduai 18 chuang en a hlawh tawh bawk. J Lalrosanga ‘Fuhchiang lo maw’ hi December ni 6 khan upload a ni a, ni hnih chhungin vawi maktaduai en a hlawh thei ve thung.
RS-A ‘Fuhchiang lo maw’-in record siam
Get real time updates directly on you device, subscribe now.
Prev Post