Taliban hruaitu lawk thihchilh bomb hmanga beih a ni

Taliban hruaitu lawk thihchilh bomb hmanga beih a ni
Taliban sorkar a interior minister ni lai Khalil Haqqani chu Kabul-a a ministry huamchhungah thihchilh bomb hmanga beih a ni a, kum 2021 a Afghanistan-a thuneihna an chan leh hnua hruaitu lawk thihna langsar ber a nih thu sawi a ni.
Haqqani hian a office a chhuahsan laiin thihchilh pawlte chuan bomb hmangin an bei a, amah bakah midang paruk an thi bawk niin a department chan interior ministry chuan thuchhuah siamin a tarlang.
Khalil Haqqani hi Taliban pawl lian zawng zawng a top member zinga mi a ni a, US phei chuan an pawl ho hi ‘khawvel pum terrorist’ tiin a sawi hial.
US hian a lu manah US dollar 5 million a lo chhiar tawh a ni a, pawikhawihna hrang hrangah a inhnamhnawih nasa hle tawh niin a sawi bawk.
He pawikhawihna thleng hi eng pawl mahin an tih thu an la tarlang lo a, Taliban te chuan Islamic state firfiak, kal filawr pawlte thiltihah an puh thung.