Loneituten tractor hmanga kawngzawh neih tum

Loneituten tractor hmanga kawngzawh neih tum
Punjab leh Haryana-a loneitu lungawi lote chuan an lungawi lohna lantir dan tidanglamin, tractor hmanga kawng zawh neih an tum.
Loneitu hruaitu Sarwan Singh Pandher chuan December 16, thawhtanni hian Punjab pawn lamah tractor hmanga kawngzawh huaihawt a nih tur thu a puang a, hemi hnu December 18 ah Punjab chhungah ‘Rail Roko’ neih zawm a nih tur thu a sawi.
Hetih lai hian ram khawpui Delhi thlenga kawng zawh an tum chu Shambhu ramriah dan an nih zel avangin ngaihtuahna la hman that leh an tum rih thu a sawi thung.
Pandher chuan tun dinhmunah Shambhu ramri chu ngaihtuahna fim hmanga an ngaihtuah phawt loh chuan tawn tlang an harsat rih tawh niin a sawi a, police ten hmanraw hrang hrang an hman bakah, tear gas thlenga beih an lo tawh tawh avangin loneitu 17-te phei chuan hliam na tak an tuar mek niin a sawi.
Heng an loneitupui hliam tuarte hian damdawi ina enkawlna pek kawngah thuneitute ngaihsak an hlawh lo hle bawk niin a sawi a, India sorkar chuan loneitu 101 lakah tharum thawhna hmang tawhin, khawvel economy ram lian pangana India chuan loneitute chu a ngaihsak lo hle niin Pandher chuan a sawi zui bawk.
Sorkar laipui chu loneitu lungawi lote thawi dam kawngah hian a la ngawi renga sawi a ni a, eng inbiakna mah a la awm lo ni a sawi a ni bawk.