Kum liam taah mi 70 chuangin Covid vei

Covid-19 a la awm a, hrileng chu a ni tawh lo. Mahse he hri hian Mizoram a awm chilh tawh a, mithiamte lo rin lawk angin a vei pawh hriatchhuah an la ni zel.
Integrated Disease Surveillance Project (IDSP) te’n an chhinchhiah danin, kum liam taah khan Mizoramah mi 73-in Covid-19 hi an vei tih hriatchhuah a ni.
2024-ah August-ah khan a vei an pung leh a, hemi thlaah hian mi 44 hriatchhuah an ni. Thla dangah chuan an tam lo.
Covid-19 vei hriatchhuah hnuhnung ber chu October thlaa mi a ni a, mi pahnih an ni. November leh December-ah hriatchhuah an awm lo. January-ah pahnih, February-ah pathum, June-ah pakua, July-ah 10, August-ah 44, September-ah pathum, October-ah pahnih an awm a, March, April, May, November leh December-ahte an awm lo.
IDSP atanga thu dawn danin, natna dang vanga inenkawl, an inenkawlna lama Covid-19 vei an ni tih hriatchhuah an ni tlangpui a, na tak an awm lo.
A hmain hri vei mi 2,39,562 an lo awm tawh a, mi 73-te nen, Mizoramah mi 2,39,635-in Covid-19 an vei ta.