Kum 2025 atan MJA inhlanthar

Kum 2025 atan MJA inhlanthar
Mizoram Journalists’ Association Gen. Hqrs hnuaia member-te chu Thawhtanni khan kum 2025 atana Pathian hnena inhlantharna hun an hmang.
Aizawl Press Club-a inkhawmah MJA president C Lalrambuatsaiha chuan, MJA member-te chu taimak leh thawhrimna tel loin eng kawngah mah a hlawhtlin theih loh tih hre thar turin a chah a. Khawvel changkang zelah internet-in min run mek a, social media leh hmasawnna hrang hrangin thuthar thehdarhtute nasa takin a tibuai a. An dinhmun chu derthawng taka a dah mek avangin hemi laka mahni inchhan chhuak tur leh talchhuak turin thawhrim leh taimak chu a kawng awmchhun a ni tih hria a, theihtawp chhuah a tul tih a sawi.
Khawvel chu a thiam leh titheite dinchhuahna, ‘survival of the fittest’ a ni tih an hriatreng a tul tih sawiin, dam khawchhuak tura theihtawp chhuah loh chuan tuten emaw an hliahkhuh mai dawn avangin theihtawp chhuah zel turin a chah a ni.