Sawrkar lai LC/VC neih a finthlak – PC Vanlalruata

Sawrkar lai LC/VC neih a finthlak
– PC Vanlalruata
Sawrkar kal tawhten an sawrkar lai ngeia local council/ village council neih a finthlak thu an sawi thin chu thudik tak a ni tih minister PC Vanlalruata chuan a sawi.
Thawhtannia an party office-a thu a sawinaah ZPM hruaitu PC Vanlalruata chuan, sawrkar kal tawhten ruling LC/VC neih a tul zia an lo aupui tawh thin a, chuvangin Mizoram mipui pawh sawrkar lai ngei LC/VC candidate vote tling turin a sawm tih a sawi. “Tualvungi ko thiam LC/VC kan neih theuh theihnan vengtin leh khawtinah ZPM LC/VC kan neih a tul a, chu chuan kan khawtlang hmasawnna turah kawngro a su hle dawn. Sawrkar hmalakna tluang taka a kal theihnan leh hmasawnna tluantling kan ramah a thlen theihnan sawrkar tha tichak turin ruling LC/VC a tam thei ang ber kan neih theihnan mipuiin min thawhpui turin kan ngen a ni,” a ti.
Sawrkar kan neih tawhteah kuthnathawktute an beidawng thin a, kalphung thar mipui sawrkar hnuaiah erawh thlai thar lei chu a takin an kalpui tawh dawn tih minister hian a sawi a. Nikum lamah cheng vaibelchhe 110 an nei tawh a, kumin budget-ah vaibelchhe 200 an dah leh a, inthlan laia an auhla ang ngeiin an policy an tihlawhtling dawn a, Zoram mipuiin hei hi hriatpui se an duh tih a sawi.