Kolasib-ah Horti Fair nei

Kolasib-ah Horti Fair nei
District Horticulture Kolasib office buatsaih Horticulture Fair cum Exhibition 2025 chu Ningani atang khan Kolasibah neih tan a ni. Vawiin – Zirtawpni ah chhunzawm a ni ang.
Exhibition hawngtu Kolasib bawrhsap Robert C Lalhmangaiha chuan Kolasib chu leilung behchhana eizawngtute puih kawngah sawrkarin hma a la nasa a, hengte avang leh kuthnathawktute thawhrimna avangin an district chu thei leh thlai thar chhuah lamah hma a sawn takzet tih a sawi. Kuthnathawktuten an thar chhuah hlu zawka lo siam danglamtu Kolasib Agro Marketing Cooperative Society-in Dragon fruit leh Theiherawt atanga juice an siamchhuak chu hmasawnna pawimawh tak pakhat a ni tih a sawi bawk.
Exhibition-ah hian stall hrang hrang 17 awmin, horticulture kaihhnawih thil siamchhuah hrang hrang, thlai tharchhuah bakah thlai enkawlna lam, pangpar leh plant chi hrang hrang phochhuah ani a, exhibition-a lawmman dawngtute hnenah lawmman sem nghal a ni