Assam-ah saiin thingpui huana thawk pasarih hliam

Assam-ah saiin thingpui huana thawk pasarih hliam
Naharkatia, Dibrugarh district, Assam-a thingpui huana thawkte chu Nilaini khan saiin beiin hmeichhe pasarihin hliam an tuar.
Tipam tea estate-a thawkte hi an ni tin hna thawk turin zing lama Tipam tlangdunga an kal lai chu sai hian a bei ta mai niin sawi a ni.
Hliam tuarte hi Rashmi Gowala, Mamoni Gowala, Shilpi Bhuyan, Jaya Bawri, Sonali Gowala, Rupali Hazda leh Bobita Bhuyan te an ni tih hriat a ni.
An zinga pali hi an hliam na angreng a, mi dang pathum erawh hliam tenau tuar an ni a. An zavaiin Naharkatia civil hospital-ah dah an ni.
“Kan vaiin mi 17 kan ni a, kawnga kan kal lai chu kan hnung lam atangin sai hian min rawn bei thut a, kan zinga pasarih hian hliam kan tuar ta a ni,” tiin pakhat chuan a sawi.
Tipam tlangdung leh a chhehvelah hian saite hi chaw zawngin an vak kual fo thin a, an thawm pawh hriat a ni fo thin.
Thuneitute pawhin Assam-ah hian mihring leh sai inkara buaina hi thil buaithlak tak a ni tih an sawi a, saite hian chaw an zawnna lamah mihring khawsakna hmun an dai lut fo nin an sawi.