Republic Day hmang dawn

January 26 – Republic Day 2025 chu ram pumah hman a ni dawn a. Mizoramah chuan Pathiannia a tlak avangin zingkarah hman a ni ang. A hmanna pui ber tur Aizawlah chuan Silai Lammualah Larsap Gen (Dr) VK Singh (Retd) hoa hman a ni dawn.
Zing dar 7:30 ah larsap hian India hnam puanzar a pawhparh hnuah parade contingent a enfiah anga, Republic Day pual march past-in a chhunzawm ang. Larsap hian Republic Day thuchah a sawi anga, national/state awards leh lawmman dang semin a chhunzawm ang.
Chawhnu dar 12.30 ah larsap chenna Raj Bhavan-ah sawm bikte tan thingpui ruai buatsaih a ni dawn a ni.
Republic Day pual hian zing ni chhuah rualin sawrkar building hrang hrangah India hnam puanzar zar a ni anga, sakhaw hrang hrang hnenah India ram leh mipui tana tawngtai sak tura ngen an lo ni tawh a ni.