Kolasib-ah ruihhlo donaa midang zirtir chhawng turte zirtir hmasa
Kolasib-ah ruihhlo donaa midang
zirtir chhawng turte zirtir hmasa
Nasha Mukt Bharat Abhiyan master volunteer leh nodal teacher-te tan Ningani khan Kolasib-ah training buatsaih a ni a. Kolasib bawrhsap Robert C Lalhmangaiha’n hmanpuiin, Mizoram Social Welfare and Rehabilitation Board coordinator Lalfakawmi leh documentation officer Benjamin Laltanpuia ten an zirtir.
Bawrhsap chuan Nasha Mukt Bharat Abhiyan chu ‘ruihhlo atanga zalen India’ tihna a nih angin, ruihhlo atanga zalen turin theihtawpa beih a ngai tih a sawi. School naupang kalkhawmte chu zu leh ruihhlo laka inthiarfihlim turin chah bawk.
Nasha Mukt Bharat Abhiyan hi Ministry of Social Justice and Empowerment hnuaia India rama ruihhlo umbo kawnga hmalakna a ni a. A tirah district 272 chu first phase atan thlan phawt niin, Mizoramah chuan Champhai, Aizawl leh Kolasib chu first phase ah an tel. Kum 2024 khan district 100 belh lehin, tunah India ram pumah district 372 a huam a ni.
Kolasib-a training neihah hian St John High School, Hmar Veng High School, Vengthar High School leh CZS High School zirlaite leh sawmbik an tel a ni.