Print media chu document pawimawh, ziaka awm a ni – I&PR director

On Feb 1, 2025 10 0

Print media chu document
pawimawh, ziaka awm a ni
– I&PR director
Khawvel pumah chanchinbu hlutna tlahniam deuh tawh mah se, print media chu document pawimawh, ziak ngeia awm a nih avangin chawinun thar leh a duh tih Information & Public Relations director C Lalnunkima chuan a sawi.
Zirtawpni khan I&PR director hian Mamit District I&PR office a tlawh a. IPRO office thawktute leh MJA Mamit District member-re nen an inkawm.
MJA leh I&PR chu thawhhona tha tak hnuaia hma la ho zel turin a sawm a, khawvel hmasawnna-in a kentel, social media-in nasa taka min luhchilh tawh avangin chanchinbu (print media) ten ngaihhlut a hlawh tawk tawh lo deuh niin lang mah se, print media chu document pawimawh, ziaka awm ngei a nih avangin chawinun thar leh a duh tih a sawi a.
Mamit MJA chu media pawimawh zia hrechianga hmala tang tangtute an ni, tiin, thudik leh rintlak puanchhuah kawnga chanchinbu pawimawhna thangthar zawkte hnena zirtirtu ni turin C Lalnunkima hian a chah.
I&PR department-a staff indaihlohna chu sawrkarin theihtawp a chhuah mek zel tih a sawi a. Indaih lohna chu harsatna atana hmang loin, a awm ang angten thahnemngai leh tangkai taka hna an thawh a tul tih a sawi a ni.