Russia chhan nan UK-in palai thawn haw ve

Russia chhan nan UK-in palai thawn haw ve
UK chuan Moscow-in nikuma an ram palai a hnawh chhuah thu kal zelah Russian palai an thawn haw ve.
Foreign Secretary David Lammy chuan November thlaa ‘Russia-in British palai a hnawh chhuah’ thu kal zela tih a ni tih a sawi.
Moscow chuan UK palai hi thu dik lo pe chhuak leh an ram enthlaa puhin an hawtir a ni.
UK chuan a hnathawkte tihthaihna ang zawng chu a ngaizam dawn lo tih a sawi a, ‘Russia chet a thawh leh chuan buaina tichhuaktu mai a ni dawn a, an tih ang zelin chhan let a ni ang’ tih a sawi bawk.
Russia-in UK-a palaia kum 2019 atanga a dah, Andrey Kelin-a chu Foreign Office-in kovin a hnuaia mi pakhat chu a acreditation hlihsak a ni tih an hrilh a ni.
Accreditation hi sorkarin palai a ni tih a pawmna a ni a, an dinhmun (rank) azirin a hrang hrang pek an ni thin.
Kremlin chuan an palai hnawh chhuah a ni hi an la chhang lo.
Moscow hian November thla khan British palai chu a accreditation hlihsakin an am enthlaah an puh a, chawlhkar hnih chhunga an ram chhuahsan turin an ti bawk.
Russian sorkar enkawl news agency-te chuan an ram security service, FSB-in palai hian a lehkhaa dik tawk lo ziakin ram enthlakna ang chiin a che bawk tih an sawi niin an tar lang.
A thlalak leh a hming chu Russian TV bulletin-ah an chhuah bawk.
Foreign Office chuan Russia puhna hi ‘tanchhan lei lo’ niin a sawi a, a chhan tur thu a sawi bawk.
UK leh Russia inkar hi Moscow-in kum 2022-a Ukraine a rûn atang khan a tha lo tan a. Hemi hnu atang hian palai inhnawh chhuahsak hi a thleng fo.
September thla khan Russia chuan Moscow-a British palai parukte accreditation an hlihsak thu leh an ram an chhuahsan a ngaih thu a puang.
May thlaah pawh London-in Russian defence attaché chu ‘insawi lova sipai intelligence officer lo ni reng si’ tia puha a hnawh chhuah hnu lawkah Moscow hian British palai, Capt Adrian Coghill chu chawlhkar hnih chhung an ram chhuahsan lailawk turin a ti.
British politician leh chanchinbumi tam tak pawh indona a chhuah hnuah Russia luh phalsak an ni lo va, heng zingah hian sorkar mi pawimawh leh BBC, Sky News leh Channel 4-a thawkte pawh an tel.
Tun hnai khan Russia hian Deputy Prime Minister Angela Rayner leh Labour cabinet member dangte telin mi 30 chu an ram luh phalsak loh zingah a telh thar bawk.
Lammy leh Prime Minister Sir Keir Starmer te chu Russia luh phalsak loh zingah hian kum 2022 daih tawh khan an lo tel tawh a. Tuna Conservative hruaitu, Kemi Badenoch pawh hi a tel.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Chcete se naučit nový trik, jak usnadnit svůj každodenní život? Navštivte náš web plný užitečných rad a tipů pro domácnost, kuchařství a zahradničení. Najdete zde také skvělé recepty a inspiraci pro vaše zahrádkářské projekty. Přijďte a objevte spoustu užitečných informací pro zlepšení svého života! Neobvyklý recept na borůvkový dezert, který vypadá jako obří eclair: 5 druhů zeleniny, které mají stejný účinek na snižování Zaujali vás naše tipy a triky pro zlepšení vašeho každodenního života? Pak jste na správném místě! Naše stránky nabízejí širokou škálu užitečných článků a návodů, které vám pomohou se lépe orientovat ve světě kulinářství, lifestylových triků a péče o zahradu. Buďte inspirací pro své blízké a objevte nové způsoby, jak využít svůj čas a prostředky efektivněji. Přečtěte si naše nejnovější články a buďte naživu s našimi tipy pro vaši každodenní rutinu!