Dave Chappelle-a’n 2025 NAACP Image Awards-ah President’s Award dawng dawn

Dave Chappelle-a’n 2025 NAACP Image Awards-ah President’s Award dawng dawn
Dave Chappelle chuan 2025 NAACP Image Awards-ah President’s Award a dawng dawn a, comedian zinga he award dawng thei hmasa ber a ni ang. Award hi Pasadena Civic Auditorium, Pasadena-ah February ni 22-ah sem a ni ang.
President’s Award hi khawtlang tana hnathawk tha te puala chawimawina niin, award dawngtu zingah hian recording artist paruk- Ella Fitzgerald (1967), Ms. Lauryn Hill (1999), John Legend (2016), Jay-Z (2019), Rihanna (2020) leh Usher (2024) te an tel taw bawk.
NAACP president leh CEO ni bawk Derrick Johnson chuan, “President’s Award hi vantlang tana mi inpe leh thawk tha te chawimawina a ni a, Dave Chappelle hian a career-ah khawtlang that nan a thawk hlawk hle a ni. Politics issue te pawh ngaihtuahna chawk tho thei a hlimawm zawng ni siin a chhawp chhuak thiam thin a, tunlaia a aw ka chhuak hmanga nghawng lian tham nei thei mi tlemte zingah a tel,” a ti.
Chappelle, kum 51, hian 2019 khan Mark Twain Prize for American Humor pawh a lo dawng taw a, February ni 2-a an sem tak Grammy-ah khan best comedy album dawngin, hei hi Grammy Awards paruk a dawnna niin, he category-a award dawng ngun ber dawttu niin, award pasarih dawng thei Bill Cosby chiah a pha lo. Chappelle hian Primetime Emmy Awards pawh pathum- Netflix comedy special Equanimity (2018) leh Sticks & Stones (2020) bakah Saturday Night Live a host-na atangin 2017 leh 2021 khan a dawng tawh bawk.