Milan tan fiahna hnuhnung

Champions League last 16 khel tur zawnna hnuhnung (second leg) chu zanin dar 11:15 atangin khelh tan a ni dawn a. Italian Serie A club lian AC Milan in an mualah fiahna hnuhnung an hmachhawn dawn. AC Milan rual hian Atalanta pawhin fiahna hnuhnung an hmachhawn dawn bawk.
AC Milan hian an mualah Dutch club lian Feyenoord Rotterdam an mikhual dawn. Last 16 lut thei turin Milan hian an mualah chak ngei ngei an mamawh. First leg-ah Milan hi si khat faiin an tlawm tawh a, dinhmun chhe zawkah an ding mek. Milan hian an mualah hnehna an chang zo lo a nih chuan last 16 khel phak lovin an tla dawn.
Europe a inelna lian hmachhawn zui turin AC Milan hian an theihna zawng zawng an hlan dawn a. An mualah chak ngei tumin tan an khawh ang. Si phur zawk mek an nih vangin an mualah si hnih tala an chak a ngai dawn thung. Si hnih tala an chak zo lo a nih pawhin penalty shoot-out ah tal vanneih zui an mamawh ang. AC Milan lakah hnehna changa last 16 an lut thei a nih chuan Netherlands club lian Feyenoord Rotterdam tan result lian leh ropui tak a ni ngei thung ang.
AC Milan in an mualah fiahna huatak an hmahhawn rual hian Mimualatlawm ve tawh tho Atalanta chuan Club Brugge an mikhual dawn a, an mualah fiahna hautak an hmachhawn a ngai ve dawn bawk. Europa League champion Atalanta hian last 16 luh turin Club Brugge hneh ngei an tum ang.