16th FC hnenah airport sawipui

16th FC hnenah airport sawipui
State sawrkar tana sum ruahman sak thintu 16th Finance Commission-in Mizoram a rawn tlawhnaa a mi kawmte chuan Lengpui Airport chungchang an lo sawipui.
February 23-a chawhnua Aizawl rawn thleng 16th Finance Commission-in hemi zana larsap an kawmnaah Lengpui Airport tih changtlun a tul chungchang hi larsap hian a lo sawipui a. Thuthar thehdartute an kawmnaah Indian Airforce hnena Lengpui Airport hlan tum chu dodalna a nasat avangin state sawrkarin airport a enkawlna kawnga a phur rit chu a chhawk zangkhai dan ngaihtuahpui turin Finance Commission hi ngen a ni a. 16th Fc chairman Dr Arvind Panagariya chuan IAF nena airport inenkawl tawm duh loh chhan tur tha tawk awma a hriat loh thu sawiin, India ram hmun dangah IAF nena airport intawm hi a awm a, harsatna a awm hriat a nih loh thu sawiin, ramdangin an rawn enkawl dawn a ni loa, India mi theuh theuhin an inenkawl tawm chu harsatna a awmna tur a awm a rin loh thu a sawi.
Central YMA pawhin 16th FC hnenah hian airport chungchang hi an lo sawipui a. State sawrkarin a enkawl chhunzawm zel theihnan a tih changtlunna tur a hranpaa sum ruahman sak turin an ngen a ni.