Pope-in tawngtaipui turin mipui sawm
Pope-in tawngtaipui turin mipui sawm
Pope Francis chuan Catholic-te chu atana tawngtai turin a ngen a, damdawi inah pneumonia avangin la enkawl mek zel a ni.
Pontiff hian Pathianni vawi hnih a zawnin tih dan thin ziah, Angelus prayer chu a ti thei tawh lo.
Tun hnaia thuchah a tihchhuahah Rome-a Gemelli Hospital-ah a la awm deuh dawn a, ‘inenkawl mamawhna a la nei’ tih a puang.
A thuchah a tihchhuah, Inrinni khan Vatican chuan kum 88 mi dinhmun hi ‘a la tha lo’ tih an sawi.
Pathiannia a thuchah tihchhuahah Pope hian damdawi ina doctor leh thawkte leh amah duhsaktute chungah lawm thu a sawi.
“Tun hnaiah min duhsakna ka dawng nasa a, naupangte atang pawhin lehkha leh lemziah tam tak ka dawng a ni,” a ti.
“Khawvel hmun hrang hrang atanga min ngaihvenna leh tawngtaipuina ka dawn zawng zawngah ka lawm tak zet a, min lo tawngtaksak zel rawh u,” a ti.
Damdawi in tualah pawh duhsaktute an la tawngtai chhunzawm zel bawk.
Mi tam takin bati an chhi a, Pope John Paul II lim bula tawngtai pawh an tam.
Pope hi February 14 khan a hma lama thawk lama harsatna a neih avangin damdawi ina dah a ni.
Kum 21 a nih laiin a chuap pakhat zawk thenkhat paih a ni tawh a. Tunah hian a chuapah sa awmin pleurisy an ti a, hei hi a chuap tibuaitu ber a ni.
Kum 12 chhung Roman Catholic kohhran hotu ber a nih tawhah Argentine hi damdawi inah a lut ve fo va, March, 2023 pawh khan bronchitis vangin zan thum a riak.
Pope hian a dinhmun hi puan tha a tih avangin Vatican pawhin ni tin a puang zel a. Inrinnia a puanah vawnban nei thutthlengah a thu a, a dinhmun erawh a tha rih lo va, Zirtawpni aiin a hniam niin an sawi.
Anaemia vangin platelet a nei tlem a, pontiff hi thisen pek a ngaih phah niin an sawi. Oxygen pawh ‘tam tak’ a mamawh tih ans awi.
Doctor-te chuan kar hmasa tir lam khan Pope hian an enkawlna a ngeih niin an sawi a; mahse, a tha chak lo hle tho niin an sawi.
Pope hian Angelus prayer hi Pathianni tin an ti ziah a, hei hi Vatican-a Apostolic Palace tukverha dak chhuaka a tawngtai leh thuchah tawi a sawi thin a ni a, Pathianni vawi hnih a ti thei ta lo a ni.