SEC vawi 312-na thukhawm

SEC vawi 312-na thukhawm
Synod Executive Committee vawi 312-na chu February 25-27 chhung hian Aizawlah an thu a, member 141 an kal.
Thutkhawm hi Synod moderator Rev RC Lalnghakliana’n a kaihruai a, Synod secretary Upa Vanlalsawma Siakeng leh Finance officer Rev Dr K Lallawmzuala’n report an an pe.
Secretary report-ah hian Synod inkhawmpui vawi 101-na tluang taka hman a nih thu, Pastor bial thar hawn a nih thu, pastor leh pro. pastor induction neih a nih thu, pro. pastor orientation neih thu, Council of Churches in Mizoram Working Committee member ruat thu, BD zir tur lak thar a nih thu leh Revocation Certificate (RC) 328 leh Re-marriage License pek chhuah dan a tel a ni.
Tun tumah hian thurel tura chhawp chhuah 52 a awm a. Chu’ng zingah chuan, Cancer Hospital bula Synod Khualbuk siam rawtna, Sunday School kaikim chawimawina siam belh rawtna, Synod Service Rules enthat rawtna, PCI Centenary Jubilee 2026 lawmna tur chungchang, Kohhran Hmeichhe Inkhawmpui Lian chairman leh general secretary chungchang, MSSU zirlaibu Sap tawnga lehlin dilna leh Unity Gastro & Liver Hospital Tripura recognized dil belh chungchang chu a langsar zual an ni.