Health Care Scheme thar hnuaiah nurse 300 la dawn

Health Care Scheme thar
hnuaiah nurse 300 la dawn
Mizoram State Univsersal Health Care Scheme kalpui turah nurse 300 bakah thawktu dang lak belh an ni dawn a, damdawi in tih changtlun belh a ni bawk dawn tih Health minister Lalrinpuii chuan a sawi.
Assembly Session-a zawhna chhangin Health & Family Welfare minister chuan, Univsersal Health Care Scheme atan sawrkar damdawi in ho tihchangtlun a ni dawn a, casual nurse 300 bakah laboratory technician, x-ray technician leh thawktu dang lak tum a ni a, District Hospital tinah ICU function tir tum a ni bawk tih a sawi.
Tunhnai maia nursing officer (staff nurse tih thin) 50 leh senior nursing officer (Ward superintendent tih thin) 10 lak thar a ni dawn tih a sawi a. Doctor leh specialist pawh lak an tum a, tunah hian phalna pek an ni tawh tih a sawi. Univsersal Health Care Scheme hnuaiah vek hian a tul angin consulting doctor an la dawn tih a sawi bawk.