CEIR portal hmangin Lunglei Police-in phone bo 130 hmulet

CEIR portal hmangin Lunglei
Police-in phone bo 130 hmulet
Central Equipment Identity Register portal hmangin Lunglei Police chuan tun thlengin mobile phone bo 130 an hmu let tawh.
Lunglei Police Station-a Cyber Cell hmalaknaa mobile phone bo leh ruk CEIR portal hmanga hmuh let 15, cheng nuai hnih chuang hu chu Thawhlehni khan a neitute hnenah an hlan let a. Tun tuma mobile phone hmuh let hi kumin January atanga March inkara chhuichhuah niin, a vaiin Rs. 2,55,696 hu nia chhut a ni.
He hun hmanpuitu Lunglei addl SP K Beihmotaosa chuan Lunglei Police Station-a Cyber Cell hnenah lawmthu sawiin, mobile phone tibo report awm tawh phawt chu a tam thei ang ber chhuichhuah sak zel an tum tih a sawi a. He hlawhtlinna hi Central Equipment Identity Register portal awmze nei taka an hman tangkai vang a ni tih a sawi.
Lunglei Police hian mobile phone bo leh ruk hi tunlai technology tha hmanga chhuiin vawiin thlengin mobile phone 130 an hmulet tawh a, a neitute hnenah an hlan leh vek a ni. A lo leisaktute pawh case siamsak thin an ni.