Ram kang vangin India-in ram ngaw a hloh nasa
University of Maryland-a GLAD (Global Land Analysis & Discovery) Lab-in World Resources Institute’s Global Forest Watch an tihchhuah tharah sik leh sa inthlak nasain a thlen khaw ro lutuk avanga ram kang vangin kum 2024 kha India-in ramngaw chhah tha a hloh tam ber kum a ni tih tar lan a ni.
Kum liam taa ramngaw hloh hi hectare maktaduai 6.7 tlingin kum 2023-a hloh let hnih dawn a ni a. Panama ram tiat dawn a ni a, minute tin football field 18 vela zau hloh zel ang a ni tih Global Forest Watch chuan Nilaini khan an puang.
India hian kum 2023 khan thingin a tuam ram a hloh chu 6.9% a ni a, nikum khan hei hi a tlahniam hret thung a, 5.9% a ni.
India-a ramngaw hloh chhan lian ber chu ram kang a ni a. Ram kang chhia hi hectare 950 a ni a, a hma kumah hectare 368 a ni thung a, 158%-in a pung.
Khawvel pum huap pawhin ramngaw chân chhan lian ber hi ram kang tho a ni a. Kum kal taa ram ngaw hloh zawng zawng zinga a zahve dawn chu lo atana hman ni lo, ram kang hrim hrim vang a ni a. Kum 2023 khan ram kang avanga chân hi 20% chauh a ni.
Brazil chu ram ngaw tha hloh tam ber an ni a, kum 2024 chhunga khawvel puma hloh 42% chu an rama mi a ni a. An hloh zinga 66% zet chu khawkheng nasa lutuk kara ram kang vang niin aa hma kum let ruk chuangin a pung.
Amazon chu kum 2016 atangin khawvela ram ngaw hloh nasatna berna hmun a ni a. Hetih lai hian Bolivia-a ram ngaw chu kum 2024 letin a pung a. Brazil dawta ram ngaw hloh nasa ber ni bawkin Democratic Republic of Congo an lehpel a ni.
Ram kang vangin India-in ram ngaw a hloh nasa
Get real time updates directly on you device, subscribe now.