Covid-19 hri kai hriatchhuah la awm lo

Khawvel hmun thenkhatah Covid-19 a darh leh a, India ram state thenkhatah pawh he hri hi an buaipui thar leh. Mizoram chu a la himah ngaih a ni a, he hri kai hriatchhuah an la awm lo.
Inrinni khan ZMC-ah mi pahnih endik an ni a, hri an lo kai lo. Ni dangah pawh endik an awm fo a, kuminah hri kai hriatchhuah an la awm lo.
Mizoramah ZMC chauh hi Covid-19 kai leh kai loh endikna hmun a ni rih a, sample endik hi chu a awm ve deuh reng tih thu dawn a ni.
Integrated Disease Surveillance Programme (IDSP) lam atanga thu dawn danin, nikum November atang khan Mizoramah he hri kai hriatchhuah an awm tawh rih lo.
2023-ah Covid-19 hi Mizoramah a zia ta a, 2024-ah pawh zia zui tho mah se han hluar leh deuh lai a nei. IDSP chhinchhiahna enin, nikum kum laihawlah khan a hluar leh deuh a, March atanga May thlenga hri kai hriatchhuah an awm loh hnuah June thlaah khan mi pakua hriatchhuah niin, July-ah 10 hriatchhuah a ni a, August-ah 44 a kai. Chumi hnuah a zia leh ta a ni.
An chhinchhiah danin, Mizoramah sample 19,97,514 endik a ni tawh a, hri vei hriatchhuah tawh zat hi 2,39,635 niin, vanduaithlak takin mi 734-in nunna an chan phah tawh. Enkawl dam tawh zat hi 2,38,901 a ni.
Kum +ve
2020 4216
2021 137449
2022 97299
2023 598
2024 73