Alex Warren ‘Ordinary’ a la Hot ber

Alex Warren ‘Ordinary’ a la Hot ber
Alex Warren hla hit ‘Ordinary’ chu Billboard Hot 100 (singles) chart-ah a No.1 a, he chart-a kar hnih a No.1-na a ni ta. He hla hi Alex-a hla he chart-a No.1 kai thei hmasa ber a ni.
Billboard Hot 100 (singles) chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Alex Warren ‘Ordinary’ hian kar khat chhungin stream maktaudia 21.5 leh sales 7,000 a la nei thei a, radio airplay-ah pawh ngaithlatu maktaduai 48.1 a la nei thei bawk. Stream hi kar kalta aiin 3%-in a pung a, radio airplay pawh kar kalta aiin 11%-in a pung a, sales erawh 12%-in a tlahniam ve thung.
Chart No.1 hlui Morgan Wallen ‘What I Want’ featuring Tate McRae chu No.2-ah bawk a la awmin, he hla pawh hian stream maktaduai 24.1 a la nei thei a, hei hi kar kalta aiin 4%-in a tlahniam ve thung. Morgan Wallen hla dang, chart No.2 pawh lo ni tawh ‘Just in Case’ chu No.3-ah bawk a la awm a, a hla dang, he chart-a kar thum chhung No.1 ni thei “I’m the Problem” chu No.4 atangin No.5-ah a tawlh ve thung.
Chart No.1-a kar 13 awm thei Kendrick Lamar leh SZA ‘Luther’ chu No.5 atangin No.4-ah a insawn thar leh a, he chart-a kar 19 No.1 ni a, chart No.1 ni rei ber record nihrual thei Shaboozey ‘A Bar Song (Tipsy)’ chu No.6-ah bawk a la awm.
Chart-a kar nga No.1 ni thei, Lady Gaga leh Bruno Mars ‘Die With a Smile’ chu No.7-ah bawk a la awm a, chart No.1 hlui tho Teddy Swims ‘Lose Control’ pawh No.8-ah bawk a la awm a, he chart top 10-ah hian kar 64 a lang tling ta a, he chart top 10-a lang rei thei bert a la ni a, top 10 pawn lama a awm nen chuan he chart-a a lan rei zawng hi kar 94 a tling ta a ni.
Top 10 khartu hla pahnih te chu chart No.2 lo kai ve ve tawh niin, Benson Boone ‘Beautiful Things’ chu No.10 atangin No.9-ah a insawn leh hret a, Drake ‘Nokia’ chu No.9 atangin No.10-ah a tawlh ve thung.