NBA-a hun hmang rei ber James tan record thar

NBA-a hun hmang rei ber James tan record thar
|um riat ngawt All-Star team-a tel tawh Vince Carter nena NBA season hmang rei ber ni mek LeBron James chuan Los Angeles Lakers nen contract an ziah hnuhnun ber tuma inremna pawhsei theih tih an lo dah chu pawl pahnih remtihnain a pawtsei tih a agent-in a sawi a, ti hian, NBA-ah season 23 a hmang tling dawn ta a, amahin NBA khel rei ber record a pumbilh dawn ta a ni.
NBA regular-season 22 a hmanliam tawhah khan match 1,562 khel tling tawhin, game khel tam ber Boston Celtics star hlui Robert Parish-a NBA record kawl lai khum turin match 50 chiah a mamawh tawh.
James hian kum 2003 daih tawh khan Cleveland Cavaliers thuam inbel chungin a NBA career bul a tan a; tunah kum 40 mi ni tawh mah se Lakers lamin USD million 53 (£41m) player hi 2025-26 season atan chhawr leh an remti a, a tum ngana atan Championship title a beisei leh dawn.
Kum 2023 khan Lakers icon Kareem Abdul-Jabbar-a standing points record (38,387) ding rei zet mai chu LeBron James hian khumin NBA all-time leading scorer nihna a chang a, tuna a score zat ni mek chu 42,184 niin, midang tan he record hi khum huphurhawm lam ni tura ngaih a ni.
An khaw team hometown team Cleveland Cavaliers-a bul a tan hnuah James hian kum 2-10 khan Miami Heat zawmin, title pahnih a lakpui hnuin Cleveland-ah a kirleh a, kum 2016 khan a bultanna team tana a NBA title lakpui awmchhun a sualchhuahsak.
Kum 2018-a Lakers a zawm hnuah 2020 title lakpuiin, a tum lina atan NBA finals MVP a ni nghal bawk.
A fapa kum 20 mi Bronny pawh nikum nipui thawt lai khan Lakers draft-ah telin, October thla khan pafa NBA Game khata inlan dun thei hmasaber an lo ni tawh nghe nghe.