Zirtirtuten academic session hlui hman duhMipui duhdan tam ber angin kan kal dawn
Education minister
Sawrkar school zirtirtu inzawmkhawm chuan academic session hman thin, January – December anga kal leh an duh tih an sawi a. Academic session leh common school uniform hman mekah thlak leh thlak loh duhah mipui ngaihdan an la anga, a tam ber duhdan angin an kal dawn tih School Education minister Dr Vanlalthlana chuan a sawi.
Ningania Aizawla Mizoram Teachers’ Federation (MTF) general conference vawi 6-na a hmanpuinaah School Education minister chuan, academic session leh common school uniform hman mek thlak a tul em, tih mipui ngaihdan an la anga, rawtna an dawn atanga duhdan tam ber angin thutlukna an siam dawn tih a sawi.
School ram humhalh kawngah nasa takin School Education department-in hma a la a, school-a thawktuten an thawhna hmun theuhah hemi kawngah hian tan lo la turin a ngen tih a sawi a ni.
Tunlai naupangin YouTube an en nasat tawh avangin hei hi a tangkai zawnga hman a nih theihnan Education department chuan an nun kaihruai thei tur youtube-a dah turin cartoon buaisaih mek a ni tih a sawi bawk.
NAS/PARAKH - standard assessment survey-ah national average kan phak lohna sawiin, tan lak a ngai takzet a, nasa lehzuala tan la turin zirtirtute a ngen tih Dr Vanlalthlana hian a sawi. Class IX-ah common question hmanga exam kalpui turin ruahman mek a ni a, second term exam 2025 atanga hman tan tum a ni tih a sawi a ni.
MTF-ah hian service association 11 an awm a. An thurel zingah:
1. Sawrkar enkawl school-te sawrkarin thuamthain ngaihlu lehzual rawh se.
2. Headmaster leh teacher selection grade-a kum 10 awm tling tawhte tan upgradation /special grade siam ni rawh se.
3. Academic session hi January- December in kal leh ni rawh se.
4. Sawrkar school ram tun aia nasa lehzualin humhalh ni rawh se.
5. Sawrkar enkawl school-a common uniform hman mek hi school-in an duh anga kalpui leh ni rawh se.
7. Zirtirtu post ruak tam lutuk hi rang taka sawrkarin hnawhkhat zel rawh se.
8. MTF hian Mizoram pum huapin ruihhlo do turin hma la rawh se.
9. School Education department-a officer entry grade atana circle education officer lak hi tihtawp ni tawh rawh se.
10. Sawrkar enkawl school-a thawktuten thahnemngai lehzualin zirtir theuh ni rawh se.