Hot Dog Eating champion- Joey

July ni 4-ah USA-in Independence Day an lawm thin a, hemi denchhen hian Nathan’s Hot Dog Eating Contest an nei ziah a, kumina he hot dog ineisiakah hian champion thang, Joey Chestnut, kum 41, a champion a, he intihsiaknaah hian a zawn ni lovin vawi 17 a champion tling ta a ni.
Hot dog chu bun bial aiah a sei deuh a siam, a laia zaiphel kharah sausage an zep a, fast-food hriathlawh tak a ni. Joey hian minute 10 chhungin hot dog 70.5 a ei zo hman a, a champion leh ta a ni. Joey hian amah hnaih bertu Patrick Bertoletti aiin hot dog 24-in a ei hnem zawknain, a inbeisei ang a pha lo niin a sawi a, “77 vel chu ei hman turah ka inngai asin maw le. A pawi lo e, kumtharah kan la ti leh dawn alawm,” a ti.
Joey hian 2021 khan world record siamin, minute 10 chhungin hot dog 76 a ei hman a, hei hi minute 10 chhunga hot dog ei hnem ber record a la ni.
He intihsiaka champion te hian Mjustard Yellow Belt an dawng thin a, Joey pawh hian 2007 khan a vawi khat nan he championship belt hi dawngin, kum riat chhung a zawnin a champion zui a, 2015 khan Matt Stonie a hneh loh hlauh a, a kumlehah rawn champion lehin, 2023 khan a champion zawn leh a, nikum khan amah sponsor-tu Impossible Foods leh Nathan’s te hi inel tak an nih avangin Joey hi a tel thei ta lo a, kuminah a rawn champion leh ta a ni.