Khawtlang siamthat chu kan inchhungkhur atanga tan tur

• Prof Lalnilawma

Khawtlang siamthat chu kan inchhungkhur atanga tan tur

• Prof Lalnilawma
  Ram leh khawtlang siamthat kan duh chuan mahni inchhung khur atanga tan tur a ni tih minister Prof Lalnilawma chuan a sawi a. Nu tan kan chhungkua chu kan rawngbawlna leh mawhphurhna hmasa ber a ni tur a ni tih a sawi bawk.
  Thawhtanni khan MHIP Thingsul-Tlangnuam Branch chuan MHIP Day vawi 51-na an hmang a. Tawi bialtu MLA, minister Prof. Lalnilawma hian hmanpuiin, MHIP chuan a phak ang tawkin khawtlang tan, chhungkaw tan leh hmeichhe tan hna a thawk nasa tih a sawi a. Chhungkaw nu ber chu inchhungkhur enkawltu leh an pasal fanau enkawltu an nih bakah faina kawnga mipate enkawltu leh kaihruaitu an ni tih a sawi.
  Khawtlang siamthat kan duh chuan kan inchhungkhur atangin kan tan tur a ni tih sawiin, “MHIP member-ten kan chhungkua hi kan rawngbawlna leh mawhphurhna hmasaber tur a ni. Mizoramah thalai ruihhlo bawiha tang mek an tam a, ruihhlo do tur hian nute kan pawimawh hle a, chhungkua atangin kan do a, kan tu leh fate ruihhlo laka an fihlim theihnan kan tu leh fate kan enkawl a, kan chhungkaw tan nasa zawka rawng kan bawl a, kan inpek hian nasa takin ruihhlo do kawngah hna kan thawk dawn a ni,” Prof Lalnilawma hian a ti.