India ram hmun pawimawhbikah Lungphun Ropui telh

India ram hmun pawimawh
bikah Lungphun Ropui telh
Archaeological Survey of Indian chuan Champhai district Lianpui khuaa pipute sulhnu “Lungphun Ropui” chu India rama hmun pawimawh atan a puang.
He thu hi July 16 khan Gazette of India-ah tihchhuah a ni a. Lianpui khuaa pipu sulhnu hmun India rama hmun pawimawha puan a nih theihna tur hian kumin July 6 khan ASI director Subramanyam chuan a hmunah a tlawh a ni.
Lianpui khuaa Lungphun Ropui hi Archaeological Survey of India chuan kum 2021 khan ‘national importance’ a puan a nih theihna turin preliminary notification a lo t chhuak tawh.
Lianpui khawtlang chuan India rama hmun pawimawha Lungphun Ropui puan a ni ta chu an lawm hle tih an sawi a. Theihtawp chhuaha hma lakpuitu Art & Culture minister C Lalsawivunga leh Rajya Sabha MP K Vanlalvena te chungah lawmthu an sawi a ni.