BRO hotu in kawngpui lehramri hung tur lam sawipui

BRO hotu in kawngpui leh
ramri hung tur lam sawipui
Border Roads Organisation (BRO) Project Pushpak chief engineer GP Singh chuan Thawhtanni khan larsap Gen. Vijay Kumar Singh (Retd) hmu in, ram venhim hna leh inkalpawhna tha siam kawnga Mizorama Pushpak hmalakna leh hmachhawp bakah rawtna a hrilhfiah.
Larsap chuan Project Pushpak hnuaia project hrang hrang leh rawtna thlen chu pawimawh a tih thu sawiin, chak zawka hma lak a nih theihnan central leh state Sawrkar thuneitue hnenah a tul anga bawhzui a, approval leh funding a awm theihnan hma lakpui a tum tih a sawi a ni.
Project paruk – Kawnpui – Durtlang- Aizawl (K-D-A) Road tihchangtlung a pawimawh thu leh Ministry of Home Affairs lama fund bawhzui chak a tul thu, India Myanmar Border road work leh fencing work tan thei tura hemi kaihhnawih land acquisition leh forest clearance case chinfel thuai a tul thu, Kawlchaw -Serkawr- Tuipang Road siam tura rawtna thlen a nih thu leh state sawrkar atanga no objection certificate (NOC) nghah mek a nih thu, Old Tualcheng -Pamchung Road sanction fel tawhah state sawrkar atangin K-D-A road nena inthlakthleng awm lo tura NOC ngaihchan a nih thu, DC atanga hnathawh phalna dil a nih thu, 71 RCC (GREF) Lawngtlai thawh tura KMMTTP hnuaia package pek chungchang leh hei hian hnathawh a tih chak phah dawn thu leh vilzui a awlsam phah dawn thu, Aizawl Bypass hnuaia package thenkhat Pushpak/BRO kuta hlan chungchang presentation hmangin larsap hnenah hian a sawifiah a ni.