Champhaiah thlai leh theichingtute tana duan hawng

Champhaiah thlai leh thei
chingtute tana duan hawng
Champhai district huamchhunga sapthei ching thar turte tan ‘Sapthei Chin Khuhhawnna’ chu Nilaini khan Champhaiah hman a ni.
Khuhhawngtu Horticulture minister C Lalsawivunga chuan Champhai Grape Grower Society buatsaih Grape Winery Tlangsamah grape chingtute nen hmasawn zel dan tur a sawipui bakah NABARD Warehouse Infrastructure Fund atanga sak, thlai thar dah khawmna tur Collection Center, Rs. 52,20,000 man Hmunhmeltha ami leh Rs. 1,14,64,000 man, New Champhai Horticulture Complex ami a hawng bawk.
Horticulture Complex Tlangsama Firmgate-in an enkawl mek, ni zung chakna hmanga sawhthing sawngbawlna hmun a tlawh bakah NEC Fund atanga sak mek sapthei tui sawrna atana ruahman New Champhai ami a tlawh a ni.
Sapthei chin khuhhawnnaah hian sapthei chingtute hnenah an hman tangkai tur bungrua chu chhungkaw 5 hnenah a hmahruaina atan pek an ni a; Champhai district-ah hian sapthei ching tura thlan bik chhungkaw 139 an awm a ni