Boxing tana thawh

March ni 6, 2021 - Inrinni zan khan Mizoram chuan boxing khawvela a dai ngai loh daiin, a tawn ngai loh hun ropui a tawng a. R. Dengthuama Indoor stadium, Mualpui chuan professional fight lian tak a thleng. He professional event hi a hmingah ‘LPS Fight Night’ vuah a ni. LPS Fight Night hmasa berah hian Mizo boxer Lalrinsanga Tlau leh Ghana Boxer Eric Quarm ten WBC World Youth Super Featherweight title fight an hmachhawn a. Khawruhlian tlangval Sangte-a’n phu taka hnehna changin kawnghren a hlawh chhuak. Hemi zana inlan Mizo boxer ten hnehna an chang vek bawk.
LPS Fight Night 1 hi Mizoramin professional bout a thlen hmasak ber a ni a. Mizo ramah manchawia inhnek enna Pay-Per-View (PPV) hman tanna a ni tel bawk. PPV hman tan a nih ve tak av^ng hian boxer te pawhin awmze nei leh hlawk z^wkin sum an thawh chhuah theih phah ta bawk nen, Mizorama boxing hmasawnna chu s^ng takah a invawrh kang dawrh a tih theih. LPS fight Night I ah Mizo hnam hla ropui tak ‘Ro min relsak ang che’ tih sak chhuah a nih khan kan hnam hla ropui leh rilzia a lang chiang leh zual a. Hnam hla phuahtu Rokunga ropuizia ka hmuh thar rualin, boxing tan Sete-a thawhhlawkzia ka hmu tel bawk.
Mizo boxer ten hnehna an chan apiangin hlim leh lawm >m >min a au va, lawm av^ngin a kut a phar a, a hnuk a ulh a, lawm av^nga hnukulhin a mittui a tla hialin ka hria, Sete-a chu. Mizo boxer te chak vanga hlim leh lawma zuang t^wr t^wr thin Sete-a hlimna leh lawmna kha thinlung taka ka tawmpui rualin, ‘a then pawh kan hre thei lo’ tih ang mai khan ka tawmpui ph^k lo viau ang tih erawh ka hai lo. Chu mi hlim em em a chu Sete Boxing Academy dintu, neitu leh an Head Coach R. Lalchhuanawma (Sete-a), boxing tana mi thawhhlawk >m >m a chu a ni.
Boxer huaisen R. Lalchhuanawma  (Sete-a) hian hliam av^nga boxing a chawlhsan hnuin boxing a ralbansan mai lova, kum 2017 khan boxing hmakhaw ngaiin ‘Sete Boxing Academy’ a din. Boxing inelna lian LPS Profight leh inelna dang dangah Sete Boxing Academy hian an hming an chher hle a. Mizo boxer tha tak tak an chherchhuak ta zut zut. Mizoram chhunga inelna hrang hranga an hming an chher b^kah World Youth Champion hial an chherchhuah zui t^k hial av^ngin ngaihven an hlawh leh zual a. An academy pawh a lun zui ta viau bawk.
Sete-a hian harsa takin academy a kalpui a, Hawla Indoor Stadium-ah sorkar hmun leh bungrua hmang tangkaiin bul an tan a. Zing leh tlaiah thalai thahnem takin boxing an zir thin. Zing leh tlaiah boxing zirna an kalpui a, zing chauh emaw, tlai chauh emaw, mahni hman remchanna zawk zawkah a kal theih bawk. Boxing zir thahnem tak an awm b^kah hian Mizo boxer tha ber ber ten Sete Academy-ah hian training an nei thin bawk a. Boxer lar leh tha tak tak kianga training neih hi zirlaite pawhin an hlawkpui viau thin. 
Mizoram chu sawi loh a leng ni se, India ramah ngei pawh hian Private Boxing Academy tha a tam lo viau. Sete boxing Academy hi India ram mimal academy hlun leh changtlung ber pawl a ni hial a ni. Hawla Indoor Stadium-ah bul an tan nawk nawk hnuin Mission Veng-ah an insawn a, academy changtlung z^wk nen an inbun tawh a. Coach thiam tak takte enkawlna hnuaiah thalai thahnem takin boxing an zir zui ta zel a ni.
Sete-a hian International Boxing Association (IBA) 2-Star Coaches a zirchhuak a. Mizo zingah IBA 2-Star Coaches certifate nei hmasa ber leh awmchhun a ni. Amateur huangah Mizote tan India ramah thlen san a harsatzia leh boxer te an thawhrim ang aia an hlawkpui lohzia a hmu chiang viau bawk. Induhsak hleihluakna India rama awm kan nih miau av^ngin Mizote tan boxing a hming chher len a, hlawhtlinna s^ng z^wk chang tur leh hlawk leh awmze neia kalpui turin professional huang luhchilh a tulzia hriain chu lam kawng chu a zawh a. Hla taka eng de v> v> chu hmuin, kawng bumboh leh harsa karah a pan a. Selna leh elrelna karah beidawn l>k l>k chang nei bawk mah se, a tum ramah Mizo boxer te hruai thlengin tlangchhip atang ngeiin eng an lo chhi ta a ni.
Mizo boxer ten ram changkan tak taka inhnek an hmachhawn a, hlawh tha zawk an hlawh theih nante, India rama No. 1 an nih theih nan te, khawvel huap champion te, inter continental champion hial an nih theih nan Sete-a hian kailawn a dawh a. Lalrinsanga Tlau World Youth Champion a nih theih nachhan te, NT Lalbiakkima inter Continental champion a nih theih nachhanahte hian eng emaw av^nga Sete-a hming lam rik kan hreh a, kan fak hreh a nih pawhin Mizo boxer ten hmun ropui an thlen theih nana Sete-a kailawn dawh hi zawh lovin, an zuan kan a, pumpelh atanga pan a, mahni pal pala inpalthleng ve hlawl erawh an ni lo a ni tih erawh tu’n kan hai lo ang. Sete-a ropuina tiropui lehzualtu chu LSP Vision an ni a. Mizote tan chuan Sete-a, LPS leh mipuite hi boxing tana pawimawh leh tangkai lungthu pawimawh tak an ni.
Boxing tana thawhlawk Sete-a kan nei hi Mizote tan vanneihna a ni a, dam lai ngeia kan inchawimawi thiam pawh a tha hle a ni. Tiang taka boxing tana thawhhlawk tu hian min dampui reng teh se!