Ozzy thlanah an zalh ta

Ozzy thlanah an zalh ta
July ni 22-a kum 76 mi ni a boral, rock legend Ozzy Osbourne chu July ni 31 khan a rawn chawrchhuahna khua, Birmingham, England-ah an vui a, Buckinghamshire a a chenna bula a ruang an zalh ta.
Ozzy vuina hun Buckinghamshire a a chennaa an neihah hian a chhungkhat laina hnai leh thiantha ten an telpui a, chung zingah chuan musician Zakk Wylde leh Marilyn Manson te pawh an tel.
July ni 30-ah Ozzy ruang hi ruang phurhna chi lirthei hmangin fans lamin an uina thu ziak leh pangpar an dahkhawmna hmun te tlan tlang puiin, public procession an hmang a, hetah hian a nupui Sharon Osbourne leh a fate Aimee Osbourne, Kelly Osbourne leh Jack Osbourne leh Louis Osbourne te pawh an tel a, live brass band singer Yungblud leh Black Sabbath member te telnain an tawimawm bawk.
July ni 31-a vuina hi chu sawmbik te tan chauha tel theih a ni a, Buckinghamshire-a an ina bulah an phum ta a ni.